Lygar og svik hjá milliríkjanefndinni um loftslagsbreytingar: Vísindamenn IPCC leysa

03.02.2024 | www.kla.tv/28082

Í júní 2023 sagði Bayerischer Rundfunk: „Vísindamenn eru sammála: núverandi loftslagsbreytingar eru af mannavöldum.“ Fjölmiðlar segja okkur ítrekað að yfir 97% allra vísindamanna séu sannfærðir um að loftslagsbreytingar séu af mannavöldum. En er þetta líka sannleikurinn? Þessi svokallaði „97% samstaða“ hefur þegar verið afhjúpuð sem fölsun í Kla.tv útsendingu okkar (www.kla.tv/27453). Eins og við sýnum einnig fram á í þessari útsendingu sýna gagnrýnar og óháðar rannsóknir jafnvel að aðeins 0,54% allra vísindamanna trúa á loftslagsbreytingar af mannavöldum. Engu að síður fullyrðir milliríkjanefndin um loftslagsbreytingar (IPCC) einnig í skýrslu sinni sem birt var árið 2021 að það sé „óumdeilt að mennirnir hafi hitað andrúmsloftið, hafið og landið“ og að þetta hafi þegar valdið „víðtækum og hröðum breytingum“ í andrúmsloftinu, höfunum, freðhvolfi (e. cryosphere) og lífhvolfi“. Þessar fullyrðingar eru hrein lygi í augum ótal vísindamanna. Í kjölfarið var birtur listi yfir 46 vísindamenn, fyrrum þátttakendur í milliríkjanefndinni um loftslagsbreytingar sem gagnrýndu IPCC harðlega. Reyndar hafa nokkrir loftslagsvísindamenn þegar snúið sér frá milliríkjanefndinni og gert opinber skoðanamótandi vinnubrögð hennar. Vísindamennirnir gagnrýna samróma gríðarlega afvegaleiðingu í meðferð á tiltækum gögnum. Allt er hunsað sem passar ekki inn í þá mynd sem óskað er eftir - og til að styðja frásögnina eru rangar fullyrðingar birtar vísvitandi ef þörf krefur. Sumir vísindamenn spila þennan leik til að afla sér frægðar og rannsóknarfjár. IPCC skýrslurnar eru hreinn „lobbýismi“ sem þjónar því eina pólitíska markmiði að misnota blygðunarlaust fáfræði og trúleysi almennings í flóknum loftslagsmálum. Ef tilurð milliríkjanefndarinnar um loftslagsbreytingar (IPCC) er skoðuð aðeins nánar má sjá að í ritum IPCC er mikið af villandi upplýsingum og stundum jafnvel lygar og blekkingar. IPCC varð til úr Umhverfisáætlun Sameinuðu þjóðanna (UNEP). Maurice Strong var stofnandi og fyrsti framkvæmdastjóri Umhverfisáætlunarinnar (UNEP), sem síðar varð milliríkjanefnd um loftslagsbreytingar (IPCC). Yfirlýst markmið herra Maurice Strong var: „Það er á okkar ábyrgð að láta iðnvædda siðmenningu fara út um þúfur.“ Í fyrstu væri hægt að halda að Maurice Strong léti sér mjög annt um umhverfið og vildi því láta iðnvædda siðmenningu fara út um þúfur. Að svo sé ekki, sést af því að árið 1976 skömmu eftir stjórnartíð sína steig hann beint frá Umhverfisstofnun Sameinuðu þjóðanna yfir í kanadísk olíuviðskipti og hóf þar nýjan feril. En tengsl hans við David Rockefeller, Klaus Schwab og WEF vekur upp spurningar. Klaus Schwab orðrétt: „Í öllu því sem hann (Maurice Strong) gerði tók hann alvarlega tillit til markmiða World Economic Forum […]. Hann var mikill hugsjónamaður, ávallt á undan okkar samtíð í hugsun sinni. Hann hefur verið leiðbeinandi minn síðan vettvangurinn var stofnaður: […] ómissandi ráðgjafi; og hefur átt sæti í trúnaðarráði okkar í mörg ár. Án hans hefði vettvangurinn ekki náð núverandi mikilvægi.“ Kæru áhorfendur, það er áhyggjuefni að IPCC hafi orðið til út frá sýn manna af tagi Maurice Strong, sem var meira en nátengdur WEF. Er ekki IPCC hér með óumflýjanlega vafasamt tæki ætlað til að framfylgja markmiðum WEF? Klaus Schwab og WEF teymi hans sjá eyðileggingu iðnmenningar sem lausn umhverfis- og hnattrænna vandamála þar sem allt vald sé í höndum bandalags stórfyrirtækja, auðvitað án lýðræðislegrar þátttöku fólksins. Framtíðarsýn þeirra er „Great Reset“ sem samkvæmt WEF hefur það að markmiði að við munum ekki lengur eiga neitt árið 2030 og samt vera hamingjusöm. Hér að neðan eru nokkrar tilvitnanir í fyrrum IPCC vísindamenn: Dr. Robert Balling: „IPCC staðhæfir að „engin marktæk hröðun eigi sér stað í hækkun yfirborðs sjávar hafi mælst á 20. öldinni.“ Þetta kom ekki fram í samantekt IPCC fyrir stefnumótendur.“ Dr. John Christy: „Almenningi er ekki kunnugt um að flestir vísindamenn sem taka þátt í IPCC trúa ekki að hnattræn hlýnun muni eiga sér stað. Samkvæmt honum voru skýrslur ítrekað rangfærðar og/eða vopnavætt í pólítík.“ Dr. Judith Curry: „Ég ætla ekki bara að bulla og styðja IPCC, því ég ber ekki traust til ferlisins.“ Dr. Robert Davis: „Hnattrænt hitastig hefur ekki breyst eins og nútíma loftslagslíkön spáðu fyrir um. „Í samantekt IPCC fyrir pólitíska stefnumótendur er hvergi nokkur staðar minnst á hitamælingar úr gervihnöttum.“ Dr. Willem de Lang: „Árið 1996 var ég skráður af IPCC sem einn af um 3.000 „vísindamönnum“ sem voru sammála um að það væri greinanleg manngerð áhrif á loftslagið. Ég gerði það ekki. Það eru engar vísbendingar sem styðja þá tilgátu að hraðar, skelfilegar loftslagsbreytingar séu vegna mannlegra athafna.“ Dr. Eigil Friis-Christensen: „IPCC veigraði sér við að líta á áhrif sólar á loftslag jarðar sem mál sem vert væri að rannsaka. IPCC leit svo á að hlutverk sitt væri einfaldlega að rannsaka mögulegar mannlegar orsakir á loftslagsbreytingar.“ Dr. Vincent Gray: „Yfirlýsing [IPCC] um loftslagsbreytingar er skipulögð lyga-romsa.“ Dr. Mike Hulme: „Fullyrðingar eins og að '2.500 af fremstu vísindamönnum heims séu sammála um að athafnir manna hafi veruleg áhrif á loftslagið' eru ósanngjarnar... Raunverulegur fjöldi vísindamanna sem studdu þessa fullyrðingu var aðeins nokkrir tugir.“ Dr. Georg Kaser: „Þessi fjöldi [hopandi jökla sem IPCC greindi frá] er ekki bara ögn rangur, hvernig sem á hann er litið er langt fyrir utan öll eðlileg mörk ... Hann er svo rangur að það er ekki einu sinni þess virði að ræða það.“ Dr. Madhav Khandekar: „Ég hef greint vandlega neikvæð áhrif loftslagsbreytinga sem IPCC spáði og hafnað þessum fullyrðingum sem ýktum og án styðjandi sönnunargagna.“ Dr. Richard Lindzen: „IPCC ferlið er frekar knúið áfram af stjórnmálum en vísindum. Það notar samantektir til að rangfæra það sem vísindamenn segja og nýtir sér fáfræði almennings.“ Dr. Martin Manning: „Sumir embættismenn sem hafa áhrif á samantekt IPCC fyrir stefnumótendur vitna rangt í aðalhöfundana eða andmæla þeim.“ Dr. Johannes Oerlemans: „IPCC er orðið of pólitískt. Margir vísindamenn hafa ekki getað staðist sírenukallið um frægð, rannsóknarfjármögnun og fundi á framandi stöðum sem bíða þeirra væru þeir tilbúnir til að skerða vísindalegar grundvallarreglur og heilindi til að styðja kenninguna um hlýnun jarðar af mannavöldum.“ Dr. Roger Pielke: „Öll ummæli mín voru hunsuð án þess að vera hrakin. Á þeim tímapunkti komst ég að þeirri niðurstöðu að IPCC skýrslurnar væru í raun hugsaðar sem hagsmunagæsluskjöl sem miðuðu að því að kalla fram sérstakar stefnuaðgerðir frekar en sem raunverulegt og heiðarlegt mat á skilningi loftslagskerfisins.“ Dr. Tom Segalstad: „Hnattræn hlýnunarlíkan IPCC er ekki studd af vísindalegum gögnum.“

eftir mf.

Heimildir/slóðir: Konsens menschgemachter Klimawandel, IPCC https://www.br.de/nachrichten/wissen/heutige-klimakrise-und-fruehere-waermephasen-nicht-vergleichbar-faktenfuchs,TeUsmTZ
https://de.wikipedia.org/wiki/Wissenschaftlicher_Konsens_zum_Klimawandel
https://www.sueddeutsche.de/wissen/klimaforschung-klimawandel-mensch-ist-ursache-studie-1.5443664
Falschbehauptung vom 97%-Konsens https://www.spiegel.de/wissenschaft/natur/klimawandel-97-prozent-konsens-bei-klimaforschern-in-der-kritik-a-992213.html
Nur 0,54% der Wissenschaftler glauben an einen menschgemachten Klimawandel www.kla.tv/27453
Wissenschaftler kritisieren Weltklimarat https://electroverse.info/climate-change-denying-statements-by-former-ipcc-scientists/
https://report24.news/inszenierte-litanei-von-luegen-zahlreiche-klimawissenschaftler-zerlegen-ipcc-berichte/?feed_id=31369
" https://weltwoche.ch/daily/der-enschengemachte-klimawandel-in-zitaten-eine-inszenierte-litanei-von-luegen/
Maurice Strong https://www.sei.org/features/maurice-strong-1929-2015/
https://www.telepolis.de/features/UN-Ikone-Maurice-Strong-Zwischen-Umweltpolitik-Oel-Business-und-Weltregierung-7477982.html
Zitat Maurice Strong https://beruhmte-zitate.de/autoren/maurice-strong/
Strongs Karriere im Erdölgeschäft https://en.wikipedia.org/wiki/Maurice_Strong
Klaus Schwab über Maurice Strong https://www.weforum.org/agenda/2015/11/maurice-strong-an-appreciation/
WEF möchte Weltregierung von Großkonzernen https://de.wikipedia.org/wiki/Weltwirtschaftsforum
Great Reset https://www.wochenblick.at/wirtschaft/welt-wirtschafts-forum-sie-werden-2030-nichts-mehr-besitzen/