Israel-Palestina_Fólkið berst gegn iðu hatursins

hlaða niður
texta útsendingar

PDF (.pdf)

Word (.docx)

17.04.2017 | www.kla.tv/10330

Israel-Palestina_Fólkið berst gegn iðu hatursins Árum saman hafa illvígar deilur verið milli Ísrael og Palestínu. Friður virðist ekki vera í sjónmáli milli deilandi stjórnvalda beggja landa. En á meðan deilandi stjórnmálamönnum virðist ekki takast að tengjast, þá sýna venjulegir borgarar landanna að vel er hægt að yfirvinna þessa djúpu gjá á milli þjóðanna. Eftirfarandi dæmi gefa okkur nýja von og ekki bara fyrir hin stríðshrjáðu svæði miðausturlanda: Í september á síðasta ári skipulagði t.d. hópur ungra aðgerðasinna fjögur spilakvöld í Ísrael með borðspilinu Backgammon. Þetta varð mjög vinsælt og strax fyrsta kvöldið voru þátttakendurnir 150 talsins: Bæði Palestínustúlkur með höfuðklút og bókstafstrúa gyðingakonur með barnavagna; strangtrúaðir unglingar með svarta kollhúfu áttu í engum erfiðleikum við hliðina á jafnöldum sínum frá arabahverfinu. Meðvituð ákvörðun var tekin um að hafna allri lögregluvernd. Fyrir marga þátttakendur var þetta einhverskonar tímavél aftur til þeirra tíma þar sem hversdagslegt líf með hvort öðru var áreynslulaust, þar sem engir múrar aðgreindu araba og gyðinga hvora frá öðrum. Eins var í maí 2016 lagður grunnur að sátt á milli gyðinga og palestínumanna á „Degi alþjóðlegs vinskapar“ í Sviss, skipulagt af Ivo Sasek. Þar vitnaði Palestínumaður um upplifun sína af 6 daga stríðinu og stríðunum þar á eftir og þrátt fyrir sárasaukafulla reynslu gat hann látið af hatri sínu og fyrirgefið óvinum sínum. Sem sýnilegt tákn iðrunar faðmaði hann Ísraelíska konu á sviðinu. Í nóvember 2016 þegar tugþúsundir Ísraelsmanna flúðu búðir sínar vegna stórbruna, þá stóðu palestínskir slökkviliðsmenn við hliðina á ísraelskum kollegum sínum til þess að ná tökum á ástandinu. Í október 2016 skipulagði hreyfingin „Women Wage Peace“ eða á íslensku „Konur iðka frið“, fjórtán daga langa „göngu vonarinnar“. 4000 palestínskar og ísraelskar konur hófu gönguna í Norður-Ísrael og gengu saman hlið við hlið 200 km alveg til Jerúsalem til þess að berjast fyrir friði. Söngkonan Yael Deckebaum sagði frá göngunni með þessum orðum: „Við vorum 4.000 konur og helmingur þeirra voru palestínskar. Mér hefur alltaf verið sagt að maður geti ekki samið frið við neinn. Í dag höfum við sannað að það er rangt.“ Í fjöldasamkomu fyrir framan aðsetur forsetisráðherra Netanjahu söfnuðust ca. 10.000 manns. Meðal annars talaði þar líberíski Nóbelsfriðaverlaunahafinn Leymah Gbowee og Michal Froman. Michal Froman er ung kona sem var stungin í hnífaárás af palestínskum unglingi í janúar 2016. Á þessari fjöldasamkomu sagði Froman: „Að velja lífið þýðir að skilja margbreytileika kringumstæðnanna. Að læra að verja líf sitt - af nauðsyn - en líka bera kennsl á volæðið og veita hjálpandi hönd. Sá sem er dauður, finnur ekkert til. Ég kýs að finna til, og gefa öllum víddum tilfinninganna rými í mér - þjáningu, reiði, en líka fyrirgefningunni og ástinni. Dauði er aðskilnaður. Lífið er að mæta, lífið er friður. Lífið verður þá fyrst mögulegt þegar við hættum að ásaka hvort annað og hættum að vera fórnalömb. Við þurfum öll að yfirvinna og taka á okkur ábyrgð og byrja að vinna fyrir lífið.“ Líkt og stóra friðargangan í Úkraínu var þessi stórkostlega friðarganga ekki þess virði að skrifað væri um hana í hefðbundnum fjölmiðlum. Það er því áfram undir okkur fólkinu komið, að segja öllum vinum, kunningjum sem og fólki sem við ekki þekkjum frá þessari öldu vonar, svo hægt sé að breyta eftir henni. Þessum hugrökku konum er eingöngu hægt að þakka fyrir og segja: Bravó, nákvæmlega svona er þetta gert! Sjáið hér að lokum tilkomumiklar myndir frá friðargöngunni í samhengi við lagið „Prayer of the Mothers“ (bæn mæðranna) sem samið var í tilefni göngunnar „Konur iðka frið“ og er framleitt af Yael Deckelbaum.

eftir tz.

Heimildir/slóðir: http://yaeldeckelbaum.com/en/prayerofthemothers
Fotos: http://gil-shani.com
https://de.qantara.de/content/schesch-besch-israelisch-palaestinensische-verstaendigung-am-spielbrett
http://www.sasek.tv/grenzenlos/palaestina-vietnam
http://www.mdr.de/nachrichten/politik/ausland/israel-waldbraende-geloescht-palaestinenser-helfen-100.html
http://www.pressenza.com/de/2016/10/tausende-von-arabischen-und-israelischen-frauen-marschieren-fuer-frieden-durch-israel/
http://www.israelnetz.com/gesellschaft-kultur/gesellschaft/2016/10/20/marsch-der-hoffnung-tausende-frauen-demonstrieren-fuer-frieden/
http://womenwagepeace.org.il/en/solidarity-event-berlin-10-10-16/