ESB þingið lýsir yfir að fóstureyðingar séu grundvallaréttindi. Gerum við okkur enn grein fyrir gjörðum okkar?

hlaða niður
texta útsendingar

PDF (.pdf)

Word (.docx)

29.07.2021 | www.kla.tv/19408

Þann 31. maí 2021 greindi Kla.TV frá formlegri umsókn fyrir þýska sambandsþinginu frá 4. mars, 2021 um að „tryggja líkamlegan og kynferðislegan sjálfsákvörðunarrétt“ [kla.tv/18896]. Þann sem enn hafði ekki áttað sig á hvað þetta hafði í för með sér eða fannst það jafnvel augljóst, upplýsti útsendingin um raunverulegan hvata þar að baki: Að fagna fóstureyðingum sem mannréttindum og það uns skömmu fyrir fæðingu! Það sem pirrar svo fordæmalaust í þessari kröfu, nefnilega að réttlæta réttinn til lífs með því að neita öðrum um líf, var afhjúpaður í útsendingunni með kröftugum staðreyndum. Stóra og óhuggulega spurningin hvíldi þungt yfir, hvort þýska ríkisstjórnin myndi samþykkja slíka tillögu. Nú hefur ESB-þingið í Brüssel lagt fram opinbert ESB viðmið um fóstureyðingar sem mannréttindi, með samþykkt hinnar svokölluðu Matic skýrslu þann 24. júní 2021. Í skýrslunni lýsir króatíski þingmaðurinn, Predrag Fred Matic því yfir að dráp á ófæddum börnum sé hluti af eðlilegri heilbrigðisþjónustu fyrir konur og auki þannig grundvallarréttindi. Þessi skýrsla „harmar“ að í sumum löndum sé læknum og heilsugæslustöðvum heimilt að nota samviskuákvæði sem geri þeim kleift að hafna fóstureyðingu af trúarlegum eða öðrum ástæðum. Prófessor Dr. Paul Cullen, formaður samtakanna „Doctors for Life“, túlkar þetta sem viðvörunarmerki fyrir evrópska lækna. Cornelia Kaminiski formaður „Aktion Lebensrecht für Alle“ ALFA (Átaks um lífsrétt allra), lýsti þessari ákvörðun ESB sem „hneyksli fyrir Evrópu“. Eftir farvegi mismununar eru eftirfarandi réttindi skilgreind, nokkuð sem ESB þykir heyra undir sig: • Réttur til að skilgreina frjálst eigin kynhneigð og kynvitund • Frjálst makaval • Réttur til frjálsrar ákvörðunar hvort, hvenær og með hvaða hætti einhver vill eignast barn • Gervalt úrval frjósemisaðgerða, allt frá glasafrjóvgun, gjafaeggi og sæðisgjafa til staðgöngumæðra • ótvíræður réttur til „öruggrar og löglegrar þungunarrofsþjónustu“. Leit eftir rétti barnsins til lífs skilar hinsvegar engu. Heldur er þess krafist að í ESB löndunum verði allar hindranir fjarlægðar sem standa í vegi fyrir fóstureyðingum. Lífsréttindasamtök yrðu þá að leggja starfsemi sína niður. Læknar sem neita að framkvæma fóstureyðingu af samviskuástæðum á samkvæmt þessari skýrslu að reka eða sækja til saka. Lögfræðingurinn Jean-Paul Van de Walle, sem starfar fyrir mannréttindasamtökin ADF International í Brüssel bendir á að ekki sé hægt að bera ákvörðunina í Brüssel saman við lagareglur. Ákvörðunin hefur engin „bindandi áhrif“ á aðildarríkin, evrópska ríkisborgara eða evrópskar stofnanir. Samkvæmt því bera einstök ríki ESB og þegnar þeirra ábyrgð á sjálfum sér. Það á þó eftir að koma í ljós hvernig viðkomandi lönd muni bregðast við kröfum ESB í framtíðinni ófæddum skjólstæðingum sínum til verndar. Það er þó von að sérhver sem lítur á sig sem manneskju og hafi samt samþykkt eða vilji enn samþykkja „fóstureyðingu sem mannréttindi“ verði snúið af eigin samvisku vegna hins hryllilega veruleika þessarar ákvörðunar. Sven von Storch tekur þetta saman svona: „24. júní 2021 verður minnst sem eins myrkasta dags í sögu ESB: Á þessum degi lýsti þingið saman því yfir að það væru mannréttindi að drepa börn í móðurkviði og neita þeim um réttinn til lífs. Þessi ákvörðun hefur ekkert með stjórnmál að gera lengur: hún er bakslag inn í myrkustu villimennsku þar sem mannslíf er einskis virði.”

eftir mse. ef.

Heimildir/slóðir: https://www.familien-schutz.de/2021/06/28/anschlag-auf-menschenwuerde-und-lebensrecht-eu-erklaert-abtreibung-zu-einem-grundrecht/
https://www.zukunft-ch.ch/eu-abstimmung-gegen-den-matic-bericht-protestieren/