Testament Politique ya Kadhafi

04.05.2017 | www.kla.tv/10448

Mbote mingi bandeko balandi ya émission na biso Klagemauer.TV to mur des lamentations! Na émission na biso ya lelo, tokolobela: Testament Politique ya Kadhafi Tokolobela lisusu bobebisi na mayele ya mabe ya mboka Libye;tokolobela lisusu liwa ya konyokuama ya mokonzi ya kala ya Libye Mouammmar Kadhafi, mpe mikakatano nini ememaki ye na liwa. Ba joueurs mondiaux to ba globalistes balongaki mbala mosusu na tina ya mboka Lybie pona kokokisa mokano na bango oyo ezali: Bosilisi makasi ya ba mboka ná kodéstabiliser ba mboka ya poto ná bisika nionso ya mokili oyo ezali kokambama naino te na baaméricains. Pona kodéstabiliser mikili ya poto to Europe, bakotisi baréfugiés ebele penza na lolenge oyo bakoki lisusu kocontrôler bango ata moke te, na tina ete poto to Europe ebebisama, ebunga libela kati na potopoto ná mikakatano na kati ya société na bango: na économie, na politique ná religion oyo ezali komata mingi na kati ya Europa. Mokano oyo ebombami na sima ya nionso oyo bazali kosala na mayele ya mabe, ezali ete balembisa pe basilisa ba mboka ebele tope ba nations makasi; conséquence ya makambo nionso ya mabe oyo bazali kosala ete bamboka nionso oyo bango bazali kodéstabiliser bakota bango moko na lisanga na bango oyo babengi „NOUVEL ORDRE MONDIAL“ ya baye bazali kobenda singa na molili to baglobalistes. Soki bango babongisaki ba mbeba oyo nionso te, bamboka ya poto bakokaki kondima kokota na lisanga oyo ya nouvel ordre mondial te. LElo tolingi kopesa maloba na Mouammar Kadhafi yemei oyo amonaki sekele pe mayele ya mabe ya baglobalistes. Kadhafi afungolaki bato miso pona koyeba oyo baaméricains bazali kobenga „Démocratie“ ná „Liberté“. Yango ezali système oyo ya kokata bato kingo, epayi wapi mbua ya monene azali kolia bambua misusu. Na eteni mosusu Kadhafi asalaki manso oyo akokaki kosala pona koyeba démocratie ya solo penza pe kopratiquer yango na kati ya mboka na ye. Kasi boyoka bino moko masakoli ya mabe oyo Kadhafi apesasaki na tina ya ba réfugiés oyo bazali koya na poto. Ye akomaki masakoli oyo basanza moke liboso ya kufa na ye na journal ya ba russes oyo ebengami: ZAVTRA na sanza ya mitano to mai 2011. Bandeko balingami, boyoka maloba ya solo oyo tobengi testament politique ya Mouammar Kadhafi. Ekomamaki le 05 avril 2011. Makomi oyo ebimaki sima ya ebandeli ya ba attaques ya OTAN ya le 19 mars 2011 oyo ebomaki mboka ya Lybie. Muammar Kadhafi alobaki boye na mokanda polele: (début de la lettre) “Botika, bino bato ya OTAN ! Bozali kobombarder mur oyo ezali kopekisa bato ya Afrika bakatisa na poto, pe oyo ezali kokanga nzela ya ba terroristes al-qaida. Nzoka nde mur yango ezali Libye. Bozali bazoba! Bozali kobebisa, bokozika na lifelo pona nkama na ba nkama na bato ya Afrika oyo bakoya na ba mboka na bino, na lolenge bozali kosoutenir Al-qaida. Ekosalama nde lolenge wana. Natikala kokosa te! Sik’oyo pe nazali kokosa te! Na nkombo ya Nzambe malamu pe ya mawa! Mibu tuku minei to 40 ans to koleka, nayebi lisusu te, nasalaki nionso po na kopesa na bato bandako, balopitalo, bakelasi, bilei na ntango bazalaki na nzala. Na Bengazi, nabongolaki bisika bikawuki to désert, nakomisaki yango mabele ya kolona, natelemelaki ba attaques ya cowboy oyo Reagen, tango ye abomaki muana na ngai ya mobokoli, ya muasi oyo akufela baboti. Alingaki nde koboma ngai, na esika ya kobom ngai, nde abomaki muana ya bato, mawa mingi. Sima na yango nasungaki bandeko na ngai ya Afrika na mbongo po na Union africaine. Nasalaki nionso oyo nakokaki kosala pona kosunga bato basosola to bayeba démocratie ya solo elingi koloba nini. Na kati na mboka na biso ezali bacommissions ya bato nde ezali kokamba. Kasi na lolenge nayebi, démocratie ya solo ezalaka te. Ata bato oyo bazalaki na bandako na ba chambres zomi, bilamba pe ba meubles ya sika bazalaki kaka na esengo te. Balingaki kozua lisusu mingi na lokoso. Bazalaki koloba na ba americains pe bapaya misusu ete bazalaki na posa ya “démocratie” pe ya “bonsomi” to liberté. Kasi babosanaki ete yango ezali système ya bakati mito, esika oyo mbua ya monene aliaka ba mbua nionso misusu ya mike. Kasi bazalaki lokola bato oyo baloki bango na maloba ya kitoko, babosanaki ete na amerika kisi ya monganga ya ofele ezalaka te, lopitalo, bandako, kelasi, to bileyi ya ofele ezalaka te, tolobeli kutu te bisenga senga to milongo ya milayi ya bato pona kozela mua sani ya supu. Te, ata ko nasalaki nionso oyo pona bayike,ekokaki kaka te. Kasi basusu bango bayebaki ete nazali muana ya Gamal Abdel Nasser, mokambi se moko ya solo ya ba Arabes pe ya ba musulmans oyo ayaki sima ya Saladin. Tango nasengaki na makasi ete Libye ezala ya bana ya mboka, ndenge pe ye asengaka ete canal de Suez ezala pona bana mboka na ye, ezalaki ndakisa na ye nde nazalaki komeka kolanda pona kobatela mboka na bokonzami ya bapaya – bamiyibi oyo balingaki koyiba biso. Sik’oyo mapinga oyo eleki mapinga nionso na makasi banda mokili ebanda makambo ya basoda, ezali kobundisa ngai. Koko na ngai ya afrika Obama alingi koboma ngai, pona kolongola bonsomi na mboka na biso, pona kobotola biso bandako na biso ya ofele, bokolongono ya nzoto; kelasi pe bileyi ya ofele pe kotia na esika na yango kimoyibi na ndenge ya kosala ya mboka amerika oyo babengaka “capitalisme”. Kasi biso nionso na afrika ya ngele to “Tiers-monde” toyebi nini yango elingi koloba. Elingi koloba ete ba companies ya minene bazali kokamba mboka, mokili pe bato bazali komona pasi. Yango wana nzela mosusu ezali te pona ngai. Nasengeli kozua esika na ngai. Pe soki Nzambe alingi, nakokufa na kolanda nzela na ye, nzela oyo ekomisaki mboka na biso na bozui ya bilanga, ya bileyi pe ya bokolongono ya nzoto, pe oyo epesaki biso nzela ya kosalisa bandeko na biso ya afrika pe ba arabes, tango bayaka kosala mosala elongo na biso na mboka ya bana ya Libye. Posa na ngai ezali ya kokufa te. Kasi soki yango esengeli kokoma pona kobikisa mboka oyo, bato ya mboka na ngai, nkoto na nkoto oyo bazali bana na ngai, tika ete yango esalama. Tika ete testament oyo ezala mongongo na ngai na mokili, ete ngai na telemelaki ba attaques ya ba croisades ya OTAN, na telemelaki mobulu, kotekana to “trahison”, ba mboka ya poto pe baposa na ye ya kokonza pe naponaki kotikala na ngambo ya bandeko na ngai ya afrika, ya ba ndeko na ngai arabes pe musulmans lokola likonzi ya muinda. Na tango bamosusu bazalaki kotonga ba palais, ngai nazalaki kovanda na ndako ya moke pe oyo etondisami na biloko ya motuya te pe, na tente. Natikalaki kobosana kibolenge na ngai na mboka Syrte te. Nabebisaki mbongo ya mboka na biso na makambo ezanga tina te. Lokola Saladin mokonzi na biso ya ba musulmans, oyo abikisaki Jérusalem pona Islam, ngai nazuaki kaka moke pona ngai moko. Na occident, bato mosusu balobaki ete ngai nazali “liboma” to “zoba”, kasi bango bayebi bosolo to vérité kasi bazali kokoba na kokosa. Bayebi ete mboka na biso ezali na bonsomi pe na nse ya bokonzi ya bapaya te; Ete ndenge na ngai ya komona makambo, nzela na ngai ezali pe ezalaka tango nionso malamu pe pona bolamu ya mboka na ngai. Pe ngai nakobunda tina suka pona totikala bansomi. Tika nzambe ya nguya nionso asunga biso nakotikala bandimi pe bansomi.

von d.d.

Quellen/Links: Ewuti na : https://de.wikipedia.org/wiki/Internationaler_Milit%C3%A4reinsatz_in_Libyen_2011
http://www.theintelligence.de/index.php/politik/naher-osten-nahost/2494-gaddafis-testament.html
http://www.neopresse.com/europa/wird-gaddafis-duestere-prophezeiung-betreffend-europa-in-erfuellung-gehen/
http://mathaba.net/news/?x=626410