Giorgia Meloni – fulltrúi þjóðarinnar eða Atlantshafsnetverksins?

19.11.2022 | www.kla.tv/24180

Giorgia Meloni stóð nýlega uppi sem sigurvegari í almennum kosningum á Ítalíu og lítur út fyrir að verða næsti forsætisráðherra Ítalíu. En hver er þessi kona sem hingað til er tiltölulega lítt þekkt á alþjóðavettvangi og hver eru markmið hennar? Hinn 45 ára Rómverska kona á dóttur, lærði málvísindi og hefur alla tíð verið virk í stjórnmálum hægri flokka. Hún varð árið 2008 æskulýðs- og íþróttaráðherra undir stjórn Berlusconis þá, 31 árs að aldri. Árið 2012 stofnaði hún sinn eigin flokk „Fratelli d'Italia“ - á Íslensku „Bræður Ítalíu“ sem hún leiddi nú til sigurs í þingkosningunum. Meloni stefnir að stjórnarskrárbreytingu í átt að forsetakerfi svipað og í Frakklandi þar sem forsetinn er kosinn beint af þjóðinni og hefur umtalsvert meiri völd. Í kosningabaráttunni lagði hún sig fram um að sýna sig sem íhaldssaman stjórnmálamann. Leiðarstefið sem hún lætur endurspegla stefnu sína er: „Guð, föðurland, fjölskylda“. Hér er brot úr nýlegri ræðu: „Já við náttúrulegri fjölskyldu, nei við LGBT-þrýstihópum. Já við menningu lífsins, nei við fóstureyðingum. Já við kristnum gildum, nei við ofbeldi íslamista. Já við öruggum landamærum, nei við fjöldainnflytjendum. Já við samborgurum okkar, nei við alþjóðlega fjármálaheiminn. Já við sjálfstæði þjóðanna, nei við embættismenn í Brussel.“ Á óvart kom eftir kjör Melonis hve lítið var um fjölmiðlafár hjá hefðbundnum fjölmiðlum og stjórnmálum og hve kosningasigri Meloni var tekið af stillingu. Manfred Weber, Evrópuþingmaður CSU og formaður Evrópska Þjóðarflokksins í Þýskalandi beitti sér fyrir rósemi í samskiptum við nýju ríkisstjórnina og bað um að Meloni væri sýnt traust. Alexander van der Bellen, forseti Austurríkis lagði áherslu á þegar fyrir kosningar: „Að mínu mati er Meloni ekki ógn fyrir Evrópu“. Að þessi yfirlýsing komi frá stjórnmálamanni græningja kemur mjög á óvart. Hvaðan kemur þetta æðruleysi? Er til einhver önnur hlið á Meloni? Augljóslega! Frá því í febrúar 2021 hefur Meloni verið meðlimur í Aspen Institute, mjög áhrifamikilli hugveitu með aðsetur í Washington D.C. Fjármögnunaraðilar þessarar stofnunar eru m.a. milljarðasjóðir eins og Bill og Melinda Gates Foundation, Carnegie Foundation, Ford- og Rockefeller Foundation og bandaríski stórbankinn Goldman Sachs. Formaður stofnunarinnar er Walter Isaacson sem einnig er fulltrúi í WEF [World Economic Forum]. Stjórnarmenn Aspen-stofnunarinnar sitja oft einnig í Samtökum um alþjóðatengsl (Council on Foreign Relations). Aspen Institute er meðal annars áberandi fyrir nálægð við vopnaframleiðsluna. Vopnaverksmiðjur eins og Boeing og Lockheed Martin eiga fulltrúa í bandaríska hluta Aspen. Einnig eru margir í stjórnunarstöðum hjá Aspen-stofnuninni sem voru tengdir vígbúnaðariðnaðinum eða beittu sér fyrir stríði eða vopnasendingum. Þar á meðal eru Javier Solana fyrrverandi framkvæmdastjóri NATO, Condoleezza Rice fyrrverandi utanríkisráðherra Bandaríkjanna, og Jane Harman fyrrum þingkona Bandaríkjanna. Í ljósi þessa samfélags kemur ekki á óvart að Meloni hafi lagt áherslu á að standa við skuldbindingar alþjóðasamfélagsins og hefur einnig ítrekað talað fyrir vopnasendingum til Úkraínu. Strax daginn eftir kosningar hét hún Selenskí forseta Úkraínu dyggum stuðningi sínum. Annað öflugt markmið Aspen-stofnunarinnar er kynbótastefna (Eugenik) dulbúin sem barátta gegn hinni svokölluðu offjölgun. Kenningin um „offjölgun“ var búin til árið 1973 á ráðstefnu hjá Aspen. Club of Rome sem dreifði hugmyndinni um offjölgun í stórum stíl með bókinni „The Limits to Growth“, fékk stuðning frá Aspen stofnunni upp á milljónir dollara. Af þeirri ástæðu er Aspen stofnunin talsmaður fóstureyðinga og fær því líka ríkulegan stuðning frá George Soros. Frá 2003 til 2020 gaf hann Aspen 3 milljarða dala til að fjármagna hópa sem styðja fóstureyðingar. Í ljósi þessara athafna verður maður að spyrja sig hvað Meloni, sem talar harðlega gegn fóstureyðingum og kristilegum gildum sé að gera í slíkum samtökum. Það verður líka spennandi að sjá hvers konar manneskja Meloni er hvað varðar Covid-19 og bólusetningar. Í fyrstu talaði hún fyrir Græna vegabréfinu en skipti síðar um skoðun. Í kosningarbaráttu sinni setti Fratelli d'Italia sig gegn bólusetningarvottorðum. Komandi vetur mun leiða í ljós hvort þetta voru atkvæðaveiðar eða hvort flokkurinn standi í raun í andstöðu við lyfjaiðnaðinn sem er studdur af sömu milljarðamæringum og standa að baki Aspen Institute. Samantekt: Þrátt fyrir að hún komi fram sem andstæðingur hnattvæðingar hefur Meloni tengst öflugustu persónum heims í gegnum Aspen Institute sem nú knýr hnattvæðinguna áfram. Sú spurning vaknar hvort hið mikla fjárstreymi inn í flokk hennar sem fékk aðeins 4,3% atkvæða í fyrri kosningum árið 2018 hafi einnig verið mögulegur vegna þessara tengsla. Því stofnanir eins og Bill og Melinda Gates Foundation hafa gífurleg áhrif á fjölmiðla og geta þannig beint kastljósinu að frambjóðendum sem þeim líkar. Svo gæti það verið að Atlantshafsnetin hafi vísvitandi byggt Meloni upp til að stýra hægri kjósendum frá Lega flokki Matteo Salvinis? Lega-flokkurinn er afar hlynntur Rússum og hefur meira að segja samstarfssamning við Sameinað Rússland flokk Vladímírs Pútíns. Lega hafði fengið 34% atkvæða í Evrópukosningunum 2019 og með áframhaldi þessarar þróunar hefði Salvini nú orðið sterki maður Ítalíu. Nú hefur verið komið í veg fyrir þetta með vexti Melonis í 26% og hnignun Lega í 9% atkvæða. Meloni er nú óumdeildur leiðtogi hægri bandalagsins og getur sett stefnuna. Stóra spurningin núna er hvort hún muni gera eins og hún hefur lofað kjósendum sínum, eða hvort stefna hennar muni þjóna hagsmunum samstarfsaðila hennar á Aspen Institute betur.

eftir tz

Heimildir/slóðir: Lífshlaup Melonis https://www.swp.de/panorama/giorgia-meloni-fdi-italien-lebenslauf-karriere-65916969.html
https://www.nzz.ch/international/die-vielen-gesichter-der-giorgia-meloni-ld.1697327
Viðbrögð við kosningasigri hennar www.faz.net/aktuell/politik/ausland/salvini-fordert-ruecktritt-von-der-leyens-wegen-aeusserung-zu-italien-18340217.html
www.tagesschau.de/ausland/europa/weber-italien-101.html
www.puls24.at/news/politik/bundespraesident-van-der-bellen-sieht-in-meloni-keine-gefahr/275607
Tengsl Melonis við Aspen Institute: https://tkp.at/2022/09/26/melonis-verbindungen-zur-us-elite/
https://www.wochenblick.at/great-reset/melonis-globalistische-freunde-so-gefaehrlich-ist-das-aspen-institute/
www.atlanticcouncil.org/blogs/new-atlanticist/which-giorgia-meloni-will-washington-get/
Um Aspen Institute Bók: Die Denkfabriken von F. William Engdahl S. 79 – 88 Aspen tengsl og fólk í leiðandi stöðum www.aspeninstitute.org/our-people/javier-solana/
www.aspeninstitute.org/our-people/condoleezza-rice/
www.aspeninstitute.org/our-people/jane-harman/
Meloni og Úkraína: https://uncutnews.ch/giorgia-meloni-macht-sich-gerade-unbeliebt-das-kann-man-sich-nicht-ausdenken-ein-tag-an-der-macht-und-dann-dieser-tweet/
Lega Nord https://de.wikipedia.org/wiki/Lega_Nord