Heilsufarslegir áhættuþættir með þráðlausu neti í kennslustofu

hlaða niður
texta útsendingar

PDF (.pdf)

Word (.docx)

29.07.2018 | www.kla.tv/12788

Sífellt fleiri skólar innleiða iPad og fartölvur inn í kennslustofuna sem tengdar eru þráðlausu skólaneti. Með þessu á að undirbúa nemendur fyrir nútíma samskiptatækni á upplýsingaöld. Algjörlega er litið framhjá heilsufarslegum afleiðingum þessa. Margar rannsóknir sýna að stöðug örbylgjugeislun með þráðlausu neti eða WLAN sem og farsímar hafa margþætta annmarka og þá sér í lagi á börn. Annmarka eins og t.d. einbeitingarskort, hausverk, ADHS og allt upp í krabbamein. Þýska umhverfisstofnunin varar meira að segja við því að koma upp WLAN – þráðlausum beini í herbergjum þar sem fólk dvelst lengi. Þessir heilsufarslegu áhættuþættir eru því víðast þekktir. Með tilliti til þessara rannsókna er því aukning á notkun tækja sem þurfa þráðlausan beini í hæsta máta varasöm. Fyrir rúmu ári eða þann 24 febrúar 2017 var haldin alþjóðleg ráðstefna hér á Íslandi í Reykjavík sem nefnd var „Börn, skjátími og þráðlaus örbylgjugeislun“. Á ráðstefnunni var samþykkt áskorun gegn þráðlausu neti í skólum. Hún fær stuðning frá mörgum vísindamönnum og læknum víðsvegar að úr heiminum. Hér á eftir heyrið þið úrdrátt úr áskoruninni: „Við undirrituð höfum áhyggjur af heilbrigði og þróun barna okkar í þeim skólum þar sem þráðlaus tækni er notuð í kennslu. Margar vísindalegar rannsóknir hafa sýnt fram á að langtíma berskjöldun gagnvart hátíðnigeislun frá þráðlausum tækjum og staðarneti, hafi töluverðar heilsufarslegar áhættur í för með sér og þær byrji m.a.s. langt undir ráðlögðum viðmiðum alþjóðlegu nefndarinnar um „ójónandi geislun“ ICNIRP. (International Commission on Non-Ionizing Radiation Protection). Við krefjumst þess að tilheyrandi opinberar stofnanir taki ábyrgð á velferð og framtíð barna okkar. [...] Við krefjumst þess að skólayfirvöld allra landa upplýsi sig um mögulegar áhættur á hátíðnigeislun á börn í uppvexti og þroska þeirra. Að nota beintengda tækni í stað þráðlausrar við kennslu er öruggasta lausnin, andstætt áhættusamri berskjöldun gagnvart geislun þráðlausra tækja. Við hvetjum ykkur til þess að notast við ALARA- meginregluna (ALARA er ensk stytting á „As low As Reasonably Achievable“ eða á íslensku „eins lágt og skynsamlega er mögulegt,“ samkvæmt ályktun Evrópuráðsins nr. 1815 og gera þannig allar viðeigandi ráðstafanir til þess að minnka berskjöldun gegn hátíðnigeislun. Þetta var úrdrátturinn úr áskoruninni. Með því að dreifa þessari útsendingu hjálpið þið til við að vekja athygli á heilsufarslegum hættum í skólastofum.

eftir brm./and.

Heimildir/slóðir: Artikel von P. Hensinger / I. Wilke, 2016:„Mobilfunk: Neue Studienergebnisse bestätigen Risiken der nicht-ionisierenden Strahlung“ Presseinfo des Umweltbundesamt, Nr 26/2013:„Nichts für Kindernasen: Dicke Luft in Schul- und Wohnräumen“ www.diagnose-funk.org/publikationen/artikel/detail&newsid=1181